Þú ert hér > Forsíða > Fréttir

7.2.2010 12:00:25
Leynigestur mætti á æfingadaga hjá TónSuð

Farsælt samstarf tónlistarskólanna á Suðurnesjum hefur vaxið og dafnað á undanförnum árum, stjórnendur hittast reglulega og leggja á ráðin með uppákomur af ýmsu tagi bæði fyrir nemendur og kennara, má þar nefna t.d. námskeið, æfingabúðir, tónleika o.fl. Framundan er sameiginlegt námskeið um lesblindu sem ætlað öllum kennurum tónlistarskólanna.

Laugardaginn 30. janúar sl. var sameiginlegur æfingardagur allra gítarnemenda á svæðinu, svo kallað GítarSuð. Um 60 gítarnemendur, þar af 16 frá Tónlistarskóla Sandgerðis fjölmenntu snemma morguns á Ásbrú/Vallarheiði, nemendum var skipt í hópa eftir getu hvers og eins og stóðu æfingar yfir fram eftir degi.

Leynigestur mætti á svæðið, enginn annar en Ingó Veðurguð, pizzur voru snæddar í hádegihléi og handbolti beint í æð. Dagurinn endaði með tónleikum sem voru vel sóttir af gestum frá Suðurnesjum. Nemendur voru sælir og ánægðir með afrakstur dagsins sem segir meira en mörg orð.

Meðfylgjandi eru myndir frá æfingadeginum.

Myndir: Lilja Hafsteinsdóttir | lifid@245.is

Prentvæn útgáfa